Петропавлда проблемалы 6 көпқабатты үй пайдалануға берілді
Осыдан үш жыл бұрын «Береке» ықшамауданында алты арендалық және коммуналдық тұрғын үйдің құрылысы басталған болатын. Алайда қажетті инженерлік-коммуникациялық инфрақұрылымның жоқтығынан жұмыс кешіктірілді. Нәтижесінде 600 отбасы мұны үш жылға жуық күтті.
Бірақ ақыры көптен күткен сәт келді – үйлер тапсырылды. Бұл қуанышты жаңалығымен қала әкімі Серік Мұхамедиев Instagram желісіндегі парақшасында үйлердің дайын, инженерлік желілер тартылғанын атап өтті. Енді алдағы жылы аулаларды абаттандыру, көгалдандыру жұмыстарын жүргізу жоспарлануда.
– «Береке» ықшам ауданында алты арендалық және коммуналдық тұрғын үйдің құрылысы осыдан үш жыл бұрын басталған. Барлығына белгілі, инженерлік-коммуникациялық инфрақұрылымның жоқтығынан жұмыс кешіктіріліп келеді. Менің қала әкімі ретіндегі басты міндетім барлық құрылыс жұмыстарын аяқтап, қала тұрғындарын көптен күткен пәтерлеріне көшіру болды. Бүгін екі үйдің кілтін табыс еттік. Тағы төртеуі жолда. Бірнеше апта ішінде пәтер кілттері басымдыққа қарай таратылады. Көптеген қала тұрғындарын үйлердің сапасына алаңдайтынын білемін. Әзірлеушіге екі жыл кепілдік бар екенін алдын ала айтқым келеді», — деп жазды С.Мұхамедиев.
Биыл Солтүстік Қазақстан облысының бұрынғы әкімі Айдарбек Сапаров жосықсыз мердігердің кесірінен қиындықтарға тап болды. Ол байланыс жұмыстарын аяқтау үшін онымен келісімшартты бұзуды ұйғарды. Сапаров жазда мәселенің мердігердің кінәсінен екені белгілі болғанын ашық айтты.
