Бұл туралы Солтүстік Қазақстан облысы әкімдігінің отырысында құрылыс, сәулет және қала құрылысы басқармасының басшысы Серік Мұхамедиев айтты.
2018 жылы облыста білім беру, денсаулық сақтау, мәдениет және әлеуметтік-тұрмыстық нысандарды, тұрғын үйді және инженерлік-коммуникациялық инфрақұрылымды салуға және қайта жаңартуға 18,8 млрд теңге сомасында қаражат қарастырылған. Өткен жылы бұл сома 12 млрд. Соған қарамастан, облыс әкімі Құмар Ақсақаловтың айтуынша, облыс орталығындағы тұрғын үй құрылысының қарқыны көп нәрсені күттірмейді. Жұмыс кестесінен қалып қоюдың бір себебін аймақ басшысы құрылыс компанияларының өздері де сол салғырттық деп атайды.
«Біз уақытты бағаламаймыз. Кеше барлық нысандарды аралап шықтым – ешкім болмады. Бірде-бір тірі жан жоқ. Үй салып, жол салып, жөндеу жұмыстарын жүргізетін жаз мезгілін күткенімізге сегіз ай болды. Бірақ сағат 18.00-де қаладағы құрылыс нысандарында ешкім жоқ. Бір нысанда адамдар қалайды – кран жоқ. Келісімшарт бойынша краншының жұмыс күні сағат 19.00-ге дейін, ал жексенбіде демалысы бар екен. Адамдар жұмысқа дайын — техника жоқ! Астанаға қарашы! Онда күндіз-түні құрылыс жүргізеді», — деді аймақ басшысы.
Үлкен айыппұл және қара тізім. Құрылыс мерзімін өткізіп алған құрылыс компанияларын дәл осындай тағдыр күтіп тұр.
Петропавл әкімі Марат Тасмағанбетов облыстың бірінші басшысын барлық көпқабатты үйлер мерзімінде тапсырылатынына сендірді.
Дереккөз: http://sko.gov.kz/
