Оңтүстік Қазақстан облысында 2017 жылдың қорытындысы бойынша облыс тұрғындарын орталықтандырылған сумен қамту қалаларда 93,1 пайызды, ауылдық жерлерде 73 пайызды құрады.
ҚазАқпарат хабарлағандай, бұл көрсеткіштер 2016 жылдың сәйкес кезеңімен салыстырғанда қалаларда 1,4%-ға, ауылдық жерлерде 1%-ға өсті.
Еске салайық, өткен жылы облыс әкімінің тапсырмасымен облыстың елді мекендерін орталықтандырылған сумен қамтамасыз ету бойынша 2017-2020 жылдарға арналған кешенді іс-шаралар жоспары жасалған болатын. 2020 жылға дейінгі іс-шаралар жоспарына сәйкес 84 ауылдық елді мекенді таза ауыз сумен қамтамасыз ету жоспарлануда.
