Жапондықтар арзан әрі жайлы үйлерді 2 күнде басып шығаруды үйренді
Құрылыс стартапы Serendix 3D басып шығару арқылы шағын үйлер жасауды бастады. Мұндай тұрғын үй көлемі жағынан шағын пәтермен салыстыруға болады, екі күннен аз уақытта салынып, қарапайым көлік бағасына сатылады, деп хабарлайды 4pda.to.
Аумағы 50 шаршы метр тұрғын үй 44,5 сағатта салынып, 37 мың долларға сатылып жатқаны атап өтілді. 3D басып шығарылған Fujitsubo үйінде бір жатын бөлме, бір ванна бөлмесі және ас үйге қосылған ашық қонақ бөлмесі бар. Жапондық денсаулық сақтау стандарттарына сәйкес, үй ерлі-зайыптыларға немесе бір адамға өте ыңғайлы, бірақ техникалық жағынан көп адам онда тұра алады.
«Автокөлік өнеркәсібі 40 жыл бұрын роботтарды қолданатын өндіріс үдерісіндегі инновацияларға байланысты бағаның төмендеуін көре бастады. Біз 3D баспа үйі тұрғын үй саласын толық роботтандырудың бастамасы деп есептейміз», – делінген Серендикс хабарламасында.
Қазіргі уақытта компания үйлерін салу үшін бес принтерді пайдаланады, бірақ 2024 жылы ол тағы он екі принтер қосып, жыл сайын 850-ге жуық үй салуды жоспарлап отыр. Мұндай үйлерді орналастыруға жеткілікті ашық алаңы бар шағын қалаларға басты назар аударылады.
