Әулиекөлде орман өртінен зардап шеккендерге үй құрылысы аяқталды. Бұл туралы мемлекеттік бақылау департаментінен мәлім етті, деп хабарлайды ҚазАқпарат «Хабар 24» . 91 тұрғын үй пайдалануға дайын.
Олардың барлығы жарықпен, газбен және сумен, кәріз және интернетпен қамтамасыз етілген. Жаңа аумаққа да асфальттың төменгі қабаты төселді. Құрылысқа 16 мердігер ұйым жұмылдырылған. Сонымен қатар, зардап шеккен барлық отбасыларға мемлекеттік қордан демеушілік материалдық және гуманитарлық көмек көрсетілді.
