Атырау қалалық соты тұрғынның мемлекеттік органға мүліктік және моральдық шығынды өтеу туралы талап арызы бойынша азаматтық істі қарады.
Сот талапкердің үйін екінші қабатта орналасқан мемлекеттік мекемеге тиесілі пәтерден су басқанын анықтады.
Талапкер арызында жауапкерден 2,1 миллион теңге мүліктік шығынды және бір миллион теңге моральдық шығынды өтеуді сұрады. Сондай-ақ сараптамаға 55 мың теңге жұмсалып, 21 мың теңге мемлекеттік баж салығы төленді.
Жауапкер талап арызды ішінара мойындап, соттан моральдық зиян мен сот шығындарын өндіруден бас тартуды сұрады.
Сот талап арызды қанағаттандыру туралы шешім қабылдады. Жауапкерден талапкердің пайдасына мүліктік залалдың ішінара сомасы өндірілді, бірақ моральдық зиянды өндіруден бас тартылды. Сот шешімі заңды күшіне енген жоқ.
Дереккөз: mgorod.kz
