Түркістан және Алматы облыстарының тұрғындары солтүстік пен шығысқа белсенді түрде қоныс аудара бастады

Үкімет отырысында ҚР Еңбек және халықты әлеуметтік қорғау министрі Светлана Жақыпова Қазақстанның көші-қон саясаты туралы айтты.

Светлана Жақыпова Қазақстан Республикасының көші-қон саясатының жаңа тұжырымдамасына сәйкес жұмыс күші көп жерлерден жұмыс күші тапшы өңірлерге азаматтарды көшіру тетігі қайта қаралғанын еске салды.

«Көшіруді ынталандыру үшін жұмыс беруші растаған жұмыс болған жағдайда жаңа орындағы тұрғын үй құнының 50% мөлшерінде материалдық көмек алуға құқық беретін экономикалық ұтқырлық сертификаттары енгізілді.Қазіргі уақытта 7,5 мың адам, Жылдық жоспардың 87%-ы солтүстік және шығыс өңірлерге қоныс аударған.Ішкі қоныс аударғандар негізінен Түркістан және Алматы облыстарының бұрынғы тұрғындары», – деді министр.

Министрдің айтуынша, көші-қон процестері Ұлытау өңірінен басқа барлық өңірлерде белсенді жүргізілуде.

Оның айтуынша, жұмыспен қамту шаралары көшкен еңбекке қабілетті азаматтардың 73%-ын қамтыды, 5,2 мың адамға көшу шығындарын өтеуге біржолғы материалдық көмек көрсетілді. 622 отбасы экономикалық ұтқырлық куәлігін алды, солтүстік өңірлерде 395 отбасы баспанамен қамтамасыз етілді.

Дереккөз: baigenews.kz