2024 жылы халықтың әлеуметтік осал топтары үшін 10 мың пәтер сатып алынады
Қазақстан Республикасының Премьер-Министрі Әлихан Смайылов алдағы жылы халықтың әлеуметтік осал топтары үшін пәтер сатып алу жоспарымен бөлісті.
«2024 жылы сондай-ақ халықтың әлеуметтік осал топтары үшін 10 мың пәтер сатып алу жоспарлануда, оған 150,7 млрд теңге көлемінде қаражат бөлу жоспарлануда», – деп жазды Әлихан Смайылов депутаттық сауалға берген жауабында.
Оның айтуынша, 2022 жылы Мемлекет басшысының тапсырмасы бойынша жеке тұрғын үй қорынан жалға алынған тұрғын үйлерді жалдау ақысының бір бөлігін (50/50) субсидиялау тетігі іске қосылды.
Бағдарлама мұқтаж ретінде есепте тұрған және соңғы 6 айдағы табысы ең төменгі күнкөріс деңгейінен төмен жетім балалар мен ата-анасының қамқорлығынсыз қалған балалар үшін қолжетімді.
«Заңға сәйкес, Қазақстан Республикасының Ұлттық Банкі бекітетін ипотекалық бағдарлама және (немесе) Қазақстан Республикасының Ұлттық Банкі бекітетін мемлекеттік тұрғын үй құрылысы бағдарламасы бойынша ипотекалық тұрғын үй заемын пайдалана отырып, азаматтардың мүліктік тұрғын үй сатып алу құқығын жүзеге асыру мақсатында Қазақстан Республикасының Үкіметі, жергілікті атқарушы органдар әлеуметтік көмек немесе бюджеттік кредит түріндегі әлеуметтік қолдау ретінде тұрғын үй сертификаттарын береді (Заңның 14-1-бабы). Тұрғын үй қатынастары саласындағы заңнаманы жетілдіру мақсатында, оның ішінде. жетім балалар мен ата-анасының қамқорлығынсыз қалған балаларды тұрғын үймен қамтамасыз ету мәселелері бойынша Заңға жетім балалар мен ата-анасының қамқорлығынсыз қалған балаларды тұрғын үй кезегіне қою мерзімін алты айдан үшке дейін қысқарту туралы өзгерістер енгізілді (Заңның 71-бабы). «, – деп атап өтті Премьер-Министр.
Дереккөз:
