2025 жылдың шілдесінде Қазақстанда тұрғын үйді сату операциялары өсті
2025 жылдың шілдесінде Қазақстанда тұрғын үйді сатып алу-сату операциялары маусыммен салыстырғанда 19,4%-ға өсті. Мұндай мәліметтерді Ұлттық статистикалық бюро жариялады.
Маусым айында 33 273 транзакция тіркелсе, шілдеде 39 742 транзакция тіркелді. Оның 8 465-і жеке үйлерге, 31 277-сі көпқабатты үйлердегі пәтерлерге қатысты.
Транзакциялар саны бойынша көшбасшылар Астана – 8 636 (21,7%), Алматы – 8 432 (21,2%) және Қарағанды облысы – 2756 (6,9%) болды. Ең аз транзакция Ұлытау облысында тіркелген – 247 (0,6%).
Маусыммен салыстырғанда тұрғын үйді сатып алу-сату операцияларының ең көп өсімі Қызылорда облысында (+70,6%), Астанада (+42,2%) және Алматыда (+27,2%) болды. Бұл ретте төмендеу Ұлытау (-12,4%), Атырау (-10,9%) және Алматы (-5%) облыстарында байқалды.
Пәтер операцияларының саны 5 848-ге өсті, бұл 23% өсімге сәйкес келеді. Шілде айында көппәтерлі тұрғын үйлер бойынша 31 277 келісім шарт жасалған. Мұндай транзакциялардың ең көп үлесі Астанада (27,2%), Алматыда (24,8%) және Қарағанды облысында (7,4%) болды. Бұл ретте бір бөлмелі пәтерлер сатылымдардың көшбасшысы болды – олар бойынша 12 489 келісімшарт жасалған.
Жеке үйлер бойынша операциялар да бір айда 621-ге немесе 7,9%-ға өсті. Шілде айында осындай 8 465 келісімшарт тіркелді. Ең жоғары өсім Алматы (+27,7%), Қызылорда (+26,9%) және Маңғыстау (+18,1%) облыстарында тіркелді. Төмендеу тек Жамбыл облысында (-2,8%) байқалды.
2025 жылдың шілдесін 2024 жылдың шілдесімен салыстыратын болсақ, Қазақстанда тұрғын үйді сатып алу-сату мәмілелерінің саны 0,9%-ға – 40 099-дан 39 742-ге дейін азайған. Бұл ретте Қызылорда облысы 30 пайызға, ал Ұлытау облысы 46 пайызға төмендегенін көрсетті. 2025 жылдың қаңтар-шілде айларында транзакциялар саны 2024 жылдың сәйкес кезеңімен салыстырғанда 3,4%-ға өсті.
