Барлығы комиссия 1114 тұрғын үйді тексерді, оның ішінде 428 үй қалпына келтіру мүмкін емес және 686 үй жөндеу-қалпына келтіру жұмыстарын қажет етеді.
Бұған 200-ге жуық отбасының тұрақты мекені болған саяжайлар да кірді. Мұндай тұрғын үй Қостанай облысында бар, оларда 97 отбасы тұрақты тұрып жатқан, оның ішінде 39-ы қалпына келтіруге жатпайтын, ал Қостанай қаласында 89 отбасы тұрақты тұрған, 42 үй сараптамадан өткен, оның 2-і қалпына келтіруге жатпайды.
Жәбірленушілерге жылжымайтын мүлікке келтірілген залалды өтеу тұрғын үй сатып алу (бірақ типтік жоба бойынша құрылыс құнынан аспайтын), сондай-ақ жеке тұрғын үй ғимараттарын салу есебінен күтіледі.
— Қазіргі таңда зардап шеккендерге 115 пәтер сатып алынды. Оның ішінде Арқалық қаласында Үкімет резерві есебінен 31 пәтер және демеушілік қаражат есебінен 34 пәтер. Сондай-ақ, Қостанай облысының зардап шеккен тұрғындарына 50 пәтер бөлінді, деп хабарлады облыстық құрылыс басқармасы.
Сонымен қатар, Амангелді және Жангелді аудандарының ауылдарында «Қазақстан халқына» қоғамдық қорының қайырымдылық көмегі есебінен 68 жеке тұрғын үй құрылысын салу жұмыстары басталды. Төтенше жағдайларды жою жұмыстарында пайдалану үшін Индустрия және құрылыс министрлігі әзірлеген типтік жоба бойынша жеке тұрғын үйлер салынады: ауданы 80 шаршы метр, құрылыс құны 22,8 миллион теңге болатын 3 бөлмелі жеке тұрғын үй. (құрылыс материалы: газоблок, гофрленген қаңылтырмен жабылған ағаш шатыр. Үй-жайлардың құрамы: вестибюль, холл, дәретханасы бар ванна, ас үй, 2 жатын бөлме және қонақ бөлме).
Естеріңізге сала кетейік, Жангелді ауданында тұрғын үйлердің құрылысы жүріп жатыр. Бұған дейін Қостанай облысының тұрғындары жаңа пәтерлердің кілтін алған болатын.
Дереккөз: inform.kz
