Елорда әкімі Жеңіс Қасымбек бокстан әлем чемпиондарына үш бөлмелі пәтер кілттерін табыс етті, деп хабарлайды Астана әкімдігінің ресми сайты.
«Біздің астаналық боксшылар 2023 жылы Ташкентте өткен бокстан әлем чемпионатында тамаша нәтиже көрсетті.
Санжар Ташкенбай мен Нұрбек Оралбай алтыннан алқа тақты! Бүгін оларға демеушілер ұсынған үш бөлмелі пәтердің кілті табыс етілді. Тренерлердің жұмысы да атап өтілді.
Жеңістің артында көп сағаттық жаттығулар, табандылық, ерік-жігер мен өзіне деген сенімділік жатыр! Боксшыларымызға сәттілік және алдағы жеңістер тілеймін!». – деп жазды әкім Instagram парақшасында.
Фото дереккөзі: Астана қаласы әкімдігінің ресми сайты
