Солтүстік Қазақстан облысының әкімі аудандардағы тұрғын үй құрылысының қарқынын сынға алды
Солтүстік Қазақстан облысы әкімдігінде өткен аппарат отырысында өңірдің жарты жылдықтағы әлеуметтік-экономикалық даму қорытындылары қаралды. Тұрғын үй құрылысын қоспағанда, барлық негізгі көрсеткіштер өсімді көрсетеді.
Экономика басқармасының басшысы Қуанышбек Қалижановтың айтуынша, жалпы құрылыс саласында атқарылған жұмыс көлемі 24 пайызға артқан. Облыста құрылыс-монтаж жұмыстары 40 пайызға, күрделі жөндеу жұмыстары 45 пайызға артық жүргізілген.
«Қаңтар-маусым айларында өткен жылдың сәйкес кезеңімен салыстырғанда жалпы ауданы 76 мың шаршы метрді құрайтын тұрғын үйлер немесе 89,7% пайдалануға берілді. Ең жоғары өсу қарқыны Тимирязев, Аққайың және Ақжар аудандарында. Мамлют және Тайынша аудандарында және Петропал қаласында теріс динамика қалыптасты», – деді Қ.Қалижанов.
Облыс әкімі Айдарбек Сапаров жоспарланған 300 мың шаршы метрдің 150-і жарты жылда тапсырылуы тиіс екенін баса айтты. Аймақ басшысы барлық аудан әкімдерінің тұрғын үй құрылысындағы жұмысын сынға алды. Оның ішінде спикер көшбасшы деп көрсеткендер де бар.
«Сіз жаңа ғана Тимирязев ауданын мысалға келтірдіңіз, олар ең жоғары көрсеткіш дейді. Онда неге жүздеген үйлер салынып жатыр? Былтыр бір үй салынса, биыл бір жарым – өсім осы. Алдыңғы қатарда тұрған осы үш салада ешнәрсе жасалып жатқан жоқ. Ауылда салынған үй құнының 50 пайызы субсидияға берілетінін көптен бері айтып келеміз. Аудан әкімдері бұл бағытта жұмыс істемейді», – деді А.Сапаров.
Өсімге несиелік тұрғын үй салу арқылы да қол жеткізуге болады. Бұл мақсаттарға жыл сайын 12 млрд теңгеге облигациялар шығарылады. Алайда аудандардан түскен өтініштер өте аз. Жұмыс тек Тайынша, Қызылжар, Шал ақын аудандарында басталды.
Сондай-ақ жалға берілетін және коммуналдық үйлер салу арқылы құрылысты жандандыруға болады. Халықтың әлеуметтік осал топтары үшін мұндай үйлерден пәтер сатып алуға жыл сайын 1,5 миллиард теңге бөлінеді.
Облыс әкімі құрылыс саласына жетекшілік ететін орынбасары Сәтжан Әблалиевке өңірлердегі жұмыстарды тағы бір рет сараптауды тапсырды.
Еске салайық, Петропавлда жосықсыз мердігерлердің кесірінен 16 бюджеттік үйді уақытында тапсыра алмаған.
Дереккөз: inform.kz
