Биыл Астанада халықтың әлеуметтік осал топтары үшін 3 мыңнан астам пәтер салынады
Бұл туралы Астана әкімі Жеңіс Қасымбек Instagram желісіндегі парақшасында айтып, қаладағы тұрмыстық жағдайды жақсартудың басқа да жоспарларымен бөлісті.
– Биыл 3 мың 300-ден астам әлеуметтік пәтер салып, кезекте тұрғандарға беруді жоспарлап отырмыз. Олар халықтың әлеуметтік осал тобына бөлінеді. Сонымен қатар, тұрғындардың өмір сүру жағдайын жақсарту үшін біз басқа да мемлекеттік бағдарламаларды іске асыруды жалғастырамыз, мысалы, бұл жастарға арналған «Елорда жастары» арнайы тұрғын үй бағдарламасы, жұмыс істейтін жастар үшін сатып алу құқығынсыз жалға берілетін тұрғын үй. Сонымен қатар, тұрғын үй сертификатының сомасы 1 млн теңгеден 1,5 млн теңгеге дейін ұлғайтылды, тұрғын үй серіктестігі («Қазақстан тұрғын үй компаниясы») және т.б. қатысушылардың санаты кеңейтілді, деді әкім.
Экскурсия барысында Жеңіс Қасымбек бірқатар әлеуметтік нысандағы тұрғын үйлердің құрылыс барысымен танысты. Аумақты абаттандыруға көңіл бөліп, сапалы құрылыс жүргізуді тапсырды.
Сондай-ақ әкім апатты жағдайдағы тұрғын үйлерді бұзу жұмыстары жалғасып жатқанын және көп жылдық тұрғын үй кешендерінің құрылысы аяқталатынын жеткізді.
