Қазақстан Республикасының Ұлттық статистикалық бюросы Қазақстандағы жылжымайтын мүлік нарығындағы бағалардың соңғы бір жылда (2023 жылғы сәуірден 2024 жылғы сәуірге дейін) өзгеруіне талдау жасады.
Нәтижелер жаңа да, қайталама баспана да, жайлы тұрғын үйді жалға алу да қымбаттағанын көрсетті. Есепке сәйкес, 2023 жылдың сәуірінен 2024 жылдың сәуіріне дейін жаңа үйлердің бағасы 1,6%-ға, ал қайталама нарықта 0,1%-ға қымбаттады. 2024 жылдың сәуірінде жайлы тұрғын үйді жалдау ақысы 2023 жылдың сәйкес айымен салыстырғанда 3,1%-ға өсті.
Өңірлер бойынша бөлетін болсақ, бастапқы тұрғын үй нарығындағы бағалар бір жылда Ақтөбеде 9,5%-ға және Қызылордада 7,1%-ға айтарлықтай өсті. Қайталама тұрғын үй нарығында баға Атырау (12,2%) және Жезқазған (7,1%) қалаларында қымбаттады. Жалдау ақысы Жезқазған (23,4%), Қарағанды (23%) және Атырау (21%) қалаларында өсті.
2024 жылдың сәуір айында қайта сатылатын пәтерлердің бағасы 1%-ға өсті, ал жаңа үйлердің бағасы наурыз айынан бастап бір айда 0,4%-ға төмендеді. Алдыңғы аймен салыстырғанда жайлы тұрғын үйді жалдау ақысы 0,3%-ға өсті.
