Кәсіпкер маңғыстаулық мұқтаж отбасыға пәтер сыйлады
17 Шілде
465
Үш баласын жалғыз тәрбиелеп отырған келіншекке өңірдегі кәсіпкерлердің бірі пәтер берді. Бұл туралы аудан әкімінің баспасөз қызметіне сілтеме жасаған Қоғамдық коммуникациялар орталығында хабарлады.
«95 жылдыққа 95 игі іс» жобасы аясында ЖШС басшысы Кенжеғали Махамбетов Маңғыстау ауданы, Шетпе ауылының тұрғыны Ботагөз Сағындықоваға пәтер сыйлады. Әйел үш баласын жалғыз өзі тәрбиелеп отыр, көп жылдар бойы амалсыз үй жалдап жүр.
– Қысы-жазы ауру балалармен жалдамалы пәтерде тұрдық. Балаларымның өз баспанасы болғанына шын жүректен қуанғанын көру қандай бақыт. Қайырымды жандарға жасалып жатқан көмектер үшін шын жүректен алғыс айтамын, – деді Ботагөз Сағындықова.
