Шымкент қаласының жас отбасылары мен бюджеттік сала қызметкерлеріне «7-20-25» бағдарламасы бойынша пәтер құнының 10% жеңілдетілген бастапқы жарнамен баспана алу мүмкіндігі берілді.
Тиісті Меморандумға «Баспана» ипотекалық ұйымының басшысы Қайрат Алтынбеков пен Шымкент қаласының әкімі Ғабидолла Әбдірахымов қол қойды.
7-20-25 бағдарламасы: қалай мүше болуға болады және ол үшін қандай құжаттар қажет
Тараптардың келісіміне сәйкес, Шымкент қаласының әкімдігі аталған санаттағы азаматтарға ұзақ мерзімді өтемдік негізде бастапқы жарнаның жартысын төлеуге көмек көрсетуге міндеттенеді. Ағымдағы жылы бөлінген қаржы көлемі 500 миллион теңгені құрайды. Жалпы, Шымкент қаласының әкімдігі алдағы екі жылда «7-20-25» бағдарламасы бойынша тұрғындардың алғашқы жарнасын азайту үшін 2 млрд теңге бөлуге дайын. Әкімдіктің көмегі 2 мыңға жуық жас отбасы мен бюджеттік сала қызметкерлерін қамтиды деп күтілуде.
«Шымкент жергілікті әкімдіктер тарапынан «7-20-25» бағдарламасына қатысатын азаматтарды қолдау бойынша бірлескен жобалар жүзеге асырылатын алғашқы өңір болды. Біз өз кезегінде бұл бағытта еліміздің басқа өңірлерімен жемісті жұмыс істеуге дайынбыз. бағыты», — деді «Баспана» ипотекалық ұйымының басқарма төрағасы Қайрат Алтынбеков.
Шымкент қаласының әкімі Ғабидолла Әбдірахымовтың айтуынша, «7-20-25» бағдарламасы бойынша қалада 500 мың шаршы метр тұрғын үй салынады. Бұл 8 333 пәтер.
Қазіргі уақытта шымкенттіктер бағдарлама бойынша ЦентрКредит, АТФБанк, Цеснабанк, Bank RBK және Еуразиялық банктен несие ала алады.
