Жоспар бойынша жарты жылда бір миллион шаршы метрден астам тұрғын үй пайдалануға беріледі. Айта кетерлігі, күрделі құрылыс жұмыстары жүргізілетін орындар қазірдің өзінде анықталған. Бұл жерлерде жердің нысаналы мақсаты өзгертілді.
Мамандар құрылыс көлемін ұлғайту халықтың демографиялық өсуіне байланысты қажет деп есептейді. Осыған байланысты мемлекет мұқтажы үшін қажетті жер телімдері алынып, олардың иелеріне нарықтық құны бойынша өтемақы төленетін болады.
«Бұл құрылыстың өте үлкен көлемі. Осы жерлердің барлығын екі жыл бойы инженерлік желілермен қамтамасыз етеміз. Біз мемлекеттік бағдарлама бойынша саламыз, құрылыс компаниялары да салады. Бұл жерлерді құрылыс компанияларына аукцион арқылы береміз», – дейді Шымкент қалалық сәулет, қала құрылысы және жер қатынастары бөлімінің басшысы Нұрбол Жүнісбеков.
