Абай ауданындағы ауыл тұрғындары қоныс тойын тойлады
Абай ауданының бірнеше ауылында тұрғындар Республика күніне орай қоныс тойын тойлады, деп хабарлайды Kazinform..
Бесқарағай ауданында өткен салтанатты шара аясында отбасыларға 70 жаңа пәтердің кілті табыс етілді. Аудан әкімі Талғат Мұратов тұрғындарды қоныс тойларымен құттықтап, өңірде тұрғын үй құрылысының осы қарқынмен жалғасатынын баса айтты.
-Ағымдағы жылдың мамыр айында алты отбасыға жаңа пәтердің кілті табыс етілді. Бүгін бір ғана облыс орталығында 44 отбасы баспана кілтіне ие болды. Жаңа тұрғындарды осындай атаулы күнмен шын жүректен құттықтаймын! – деді аудан әкімі.
Бесқарағай ауданында 2020-2022 жылдар аралығында жүзеге асырылған мемлекеттік бағдарлама аясында тұрғын үй кезегінде тұрған отбасыларға 64 пәтер берілді. Қазір ауданда 276 отбасы баспана кезегінде тұр.
Ақсуат ауылында жаңа шағын аудан бой көтеріп, көп балалы және аз қамтылған 25 отбасына пәтер кілттері табыс етілді.
Мерекелік шарада Ақсуат ауданының әкімі Асхат Сайдахметұлы жаңа қоныстанушыларды құттықтап, ауданда түрлі санаттағы тұрғындарды баспанамен қамтамасыз ету әлеуметтік саясаттың басты басымдылықтарының бірі болып қала беретініне тоқталды. Осыған байланысты бұл бағыттағы жүйелі жұмыстар жалғасын табады.
Қазіргі таңда ауданда тұрғын үйлерді пайдалануға берудің 27 пайызға өскені байқалады. Биылдың өзінде 4 038 шаршы метр пайдалануға берілді, бұл өткен жылмен салыстырғанда 3 182 шаршы метрге 856 шаршы метрге артық.
Естеріңізге сала кетейік, жақында Семей, Үржар, Жарма және Бородулиха аудандарының тұрғындарына жаңа пәтерлер мен үйлердің кілттері табыс етілді.
